طريقة برمجة ريموت الفورد والماركيز وماتاخذ اكثر من دقيقه

السلام عليكم ورحمه الله وبركاته







حبيت اقدم لكم خدمه بسيطه

وهي طريقة برمجة ريموت الفورد( كراون فكتوريا و القراند ماركيز)

طبعا بدال نصب راعين الورش وتقعد السياره عندهم نص ساعه او ساعه

المهم هذي البرمجه وماتاخذ اكثر من دقيقه وانا بعد ماتعلمتها برمجة ريموت سياره اخوي (ماركيز2004)
وتبرمجمت معي

طبعا البرمجه برمجة الريموت الاصلي و تشمل الفل ونص الفل (الموجود بها ارقام بالباب) واللي لها ريموت

فقط امسك الريموت وعلق على اي زر مثلا زر اغلاق الابواب

وادخل المفتاح بالسويتس وشغل لمبات العداد وطف بحركه سريعه شغل وطف طبعا مو تشغل السياره
فقط تشغل لمبات العداد يعني ماباقي لك غير دقه وتشغل المسياره

بحركه سريعه شغل لمبات العداد وطف شغل وطف بحركه سريعه ولاتنسى تكون معلق على اي زر من ازرار الريموت

واستمر شغل لمبات العداد وطف الين تسمع قفلة الابواب( اذا كنت ضاغط عليها بالريموت )

وبكذا انتهت البرمجه
وجرب ازرار الريموت اللي يفتح الشنطه والمنبه (البوري) واللي يفتح ويغلق الابواب راح تلقاها شغالها

والطريقه هذي تعلمتها وانا كنت واقف اسوي سيارتي بأحد الورش وجا صاحب فورد يبي برمجه للريموت وقال له الهندي تعال بعد نص ساعه واتفق معه على 100 ريال وراقبت الهندي وشفته يوم برمجها ماخذت منه اكثر من دقيقه وعرفت ليه صرف راعي السياره وقال له تعال بعد نص ساعه عشان مايتعلم الطريقه واللي رفع ضغطي اكثر انه سواها ب 100 ريال لصاحب السياره
وبالوكاله سعر البرمجه ب 140 ريال


ولاتنسون انها تشمل الكراون فكتوريا والماركيز

طبعا الستاندر مايجي لها ريموت



منقووووووووووووول يعني السواليف اللي فوق مو أنا اللي قلتا

للأمانه اللي نقلت عنه




لكن على فكره هالطريقه فعلا صحيحه وأنا سألت واحد من العيال عندهم محل برمجة ريموتات

وقالي فعلا طريقه صحيحه وأذكر يوم كنا بالشرقيه أنا واحد من العيال مره خرب علينا ريموت الكامري ولا قدرنا نفتحها يوم دقينا عليه قال افتحوها وعادي خلوها تون كأنها مسروقه

وسوينا نفس الخطوات وطفا جهاز الانذار والله


أحس اني علمتكم كيف تزرفون الكوامري






أتمنى ان الجميع استفاد




تحياتي